كيمياء حيويه

أهلا وسهلا بك زائرنا الكريم.
إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات
كما يشرفنا أن تقوم بالتسجيل إذا رغبت بالمشاركة في المنتدى.
أما إذا رغبت بقراءة المواضيع والإطلاع فتفضل بزيارة القسم الذي ترغب أدناه
كيمياء حيويه

҈ (`'•.¸(`'•.¸* منتديات الكيمياء الحيويه ترحب بكم*¸.•'´)¸.•'´ ) ҈


    ازاى تقول للبيت النتيجه خصوصا لو شايل ماده او مدتين

    شاطر

    fire ghost
    عضو ذهبي
    عضو ذهبي

    عدد المساهمات : 801
    تاريخ التسجيل : 18/11/2009
    العمر : 24
    الموقع : http://www.facebook.com/profile.php?id=100000400038156&ref=profile

    @ ازاى تقول للبيت النتيجه خصوصا لو شايل ماده او مدتين

    مُساهمة من طرف fire ghost في السبت 17 أبريل 2010, 01:02

    ده بيكون يوةم مايعلم بيه الا ربنا وهى ان الواحد
    ازاى هيقول للحاج والحاجة انو شايل مادة - طبعا ده لو مكانش له خبرة فى المجال ده - ...


    دى بعض الاقتراحات اللى عايز ياخد اللى يناسبه ....
    =================================
    1- فى حالة لو حاطين عليك امل كبير ... والحاج شايف ان (احمد زويل) راحت عليه وان الاوان للكوادر الشابة بقيادة حضرتك .
    --------------------------------------------
    فى الحالة دى هيبقى صعب عليهم انهم يتقبلو الموقف ... فانت يامعلم تتبع استراتيجية " قضى اخف من قضى "
    ... تخش عليهم فاجأة ... ناكش شعرك وبتعيط ... وتصرخ ويتقول : الحقينى يا ماما ... الحقنى يا بابا ...
    وهيجرو عليك ويقولو لك : فيه ايه يابنى ؟! ... ايه اللى حصل ؟!... تقوم انت قايل : اخويا يا ماما ... اخويا يا بابا ...
    خبطو ميكروباص (الجلاء- الجامعة) ونقلوه ع الموقف ... قصدى المستشفى .... والسواق رمى التباع وحاول الهرب
    .... وهو بيهرب خبط عمى ومرات عمى وبنت عمى اللى كانو بيجرو على اخويا .... و رمى الزباين وحاول الهرب ...
    وهو بيهرب خبط خالتى وجوز خالتى وبنت خالتى اللى كانو طالعين من الهايبر .... وحاول الهرب و ....
    ابوك : ابوس رجلك قول انهم مسكوه ... معدشى الا انا وامك اللى فى العيلة .. اهىء اهىء ..
    انت : مسكوه يا بابا ... وعلى فكره انا شايل ماده!!!
    ابوك : والله معادت فرقة يابنى ... انا خلاص معدتش عايز حاجة فى حياتى ... اهىء اهىء ..
    ---------------------------------------------
    ملحوظة : اتأكد ان اخوك مش فى البيت قبل ما تدوس فى الحوار ...
    ================================== ==
    2- فى حالة الوالدين العصبيين .... مفيش فايدة .
    ---------------------------------------------
    فى الحالة دى عليك وعلى استراتيجية " وقوع البلا ولا انتظاره " ...
    تخش عليهم وتختار الوقت المناسب ....
    انت : بابا ... ماما .. بابا ...
    ابوك : عايز ايه ؟؟ الله يحرقك !!
    انت : انا عايزك تاخد ...
    ابوك : بتقول ايييييييييييييييه ؟؟!!
    انت : استنى بس يا بابا ... انا عايزك تاخد نفس عميق وتحبسه فى صدرك 5 دقائق ... وتطلعو بالراحة ..
    ابوك : ايه ده ؟!! انت جايب شيشة ؟؟!!
    امك : مافيش شيشة فى البيت ... خد ابوك وروحو على القهوة ...
    انت : شيشة ايه بس !! ... انا عايزكو تبقو ريلااااااااكس خااااااااااالص ... اصلى شلت ماده ...
    بس خلااااااااااص ... سيكاااا هاااا ..
    امك : بتقول ايه ؟!! ... انت فاشل .. انت مابتذكرش ... انت مستهتر ... انت .. انت ... انت ..
    ابوك : الله يحرقك انت ... ويحرق امك انت .... وانا وانت .... وشايلنى يا جدع ...
    ---------------------------------------------------


    ملحوظة : ابقى هات كاسيت معاك بحيث لو الحاج قام ياخد وصلتين ...
    ================================== =
    3- فى حالة الوالدين معتمدين عليك ... يعنى راجل البيت
    ------------------------------------------------------
    فى الحالة دى يا معلم .... مينفعكش غير استراتيجية " زغاليلو ياما " ... وهى من ابداع
    اللواء : كتكوت ابو الريش .... ماعلينا .... تدخل على الحاج وبنظرة كلها حب وامتنان
    - خلى بالك حب الابناء للاباء ... عشان ماتوديناش فى داهية - ....
    انت : شكرا يا بابا ... انت علمتنى ازاى اكون راجل حامل ...
    ابوك : نعم يا خويا ؟!!!
    انت : استنى بس يا بابا انت مستعجل ليه ... انا قصدى حامل للمسؤلية وقدها ... و ..
    ابوك : انجز يا بنى ... انا عايز اخش الحمام ...
    انت : طب يا بابا تعالى نسترجع ايام ما كنت صغير ... وكنت بتقولى ...
    ابوك : يا نهار اسود ... احنا لسه هنسترجع ... بقولك خلاص مش أأأأأأأأأأدر ...
    انت : خلاص ... بتقولى عايزك تكبر وتشيل عنى شوية ... و انا جاى النهارده عشان اقول لك ...
    ابوك : مش انت لوحدك اللى جاى فى حاجات تانية جاية كمان .... انجز ..
    انت : انا قررت اشيل يا بابا ... ودينى رفعت راسك وشلت ... شلت مادتين...
    ابوك : شيل اللى يعجبك يا بنى ... المهم حل عن سما امى وسيبنى اروح الحمام ...
    -------------------------------------------------


    ملحوظة : وحياة خالتك .. ابقى نقى وقت مناسب اكتر من كده ...
    ================================== ===
    دى الافكار اللى جت على بالى يا جماعة ... ويا رب تنفع حد فيكو ... ههههههه


    والسلام ختام

    Karim..Gado
    عضو ماسي
    عضو ماسي

    عدد المساهمات : 7418
    تاريخ التسجيل : 06/11/2009
    العمر : 24
    الموقع : Mansoura university,Faculty of Science,Bio-Chemistry department

    @ رد: ازاى تقول للبيت النتيجه خصوصا لو شايل ماده او مدتين

    مُساهمة من طرف Karim..Gado في السبت 17 أبريل 2010, 10:13

    ههههههههههههههههه
    ناوي علي ايه بعد كده


    _________________

    إذا لم تستطع أن تنظر أمامك لأن مستقبلك مظلم
    ولم تستطع أن تنظر خلفك لأن ماضيك مؤلم

    فانظر إلى الأعلى
    تجد ربك تجاهك ابتسم...

    فإن هناك من... يحبك... يعتني بك...
    يحميك ...ينصرك... يسمـعك يراك ...انه

    الله
    ما اخذ منك إلا ليعطيك...
    ومـا أبكـاك الا ليـضحكك...
    وما حرمك الا ليتفضل عليك ...
    وما ابـتـلاك الا لانـه يحـبـك...
    فكن مع الله واياك والتساهل بالمعاصي ...

    ******************************************
    لا تنظر الي صغر المعصيه ولكن انظر لعضمه من عصيت

    الشبح2010
    عضو ماسي
    عضو ماسي

    عدد المساهمات : 1349
    تاريخ التسجيل : 10/11/2009
    العمر : 24
    الموقع : عالم فى الافكار اللا منتهيه

    @ رد: ازاى تقول للبيت النتيجه خصوصا لو شايل ماده او مدتين

    مُساهمة من طرف الشبح2010 في السبت 17 أبريل 2010, 11:53

    يا خرابى لا يا عم ربنا بستر ومفيش حاجة من دى تحصل ان شاء الله وربنا يببعدنا عن الفشل والحاجات دى


    _________________
    هى الدنيا كدا

    أحمد شعيشع
    عضو ماسي
    عضو ماسي

    عدد المساهمات : 1246
    تاريخ التسجيل : 08/11/2009
    العمر : 24
    الموقع : قلب الناس

    @ رد: ازاى تقول للبيت النتيجه خصوصا لو شايل ماده او مدتين

    مُساهمة من طرف أحمد شعيشع في السبت 17 أبريل 2010, 15:11

    يارب احفظنا من الفشل اه ممكن نتعثر بس مش للدرجه الواطيه دى يارب ابعد عننا الفشل ياااارب


    _________________

    fire ghost
    عضو ذهبي
    عضو ذهبي

    عدد المساهمات : 801
    تاريخ التسجيل : 18/11/2009
    العمر : 24
    الموقع : http://www.facebook.com/profile.php?id=100000400038156&ref=profile

    @ رد: ازاى تقول للبيت النتيجه خصوصا لو شايل ماده او مدتين

    مُساهمة من طرف fire ghost في الإثنين 19 أبريل 2010, 13:08

    يارب ابعد عن كل اعضاء المنتدي الفشل وما يحتجوش الموضوع دة

    Tom Cruise
    عضو جديد

    عدد المساهمات : 42
    تاريخ التسجيل : 23/02/2010
    الموقع : hearts

    @ رد: ازاى تقول للبيت النتيجه خصوصا لو شايل ماده او مدتين

    مُساهمة من طرف Tom Cruise في الإثنين 19 أبريل 2010, 20:13

    طب حطيته ليه أنا هنسخ الموضوع عندي
    علشان يكون دليل اثبات ضدك انك بتحرضنا
    على الكدب........

    fire ghost
    عضو ذهبي
    عضو ذهبي

    عدد المساهمات : 801
    تاريخ التسجيل : 18/11/2009
    العمر : 24
    الموقع : http://www.facebook.com/profile.php?id=100000400038156&ref=profile

    @ رد: ازاى تقول للبيت النتيجه خصوصا لو شايل ماده او مدتين

    مُساهمة من طرف fire ghost في الخميس 22 أبريل 2010, 14:24

    الكدب لا يعاق علية القانون


    _________________

    دوامه الحياه فيها قلبى تاه ليه كل واحد فينا ماشى فى أتجاه أه أه زكريات عشنا فيها دوبنا فيها من عذاب زكريات من مضينا بقيا فينا

    Prince of Persia
    عضو ماسي
    عضو ماسي

    عدد المساهمات : 2237
    تاريخ التسجيل : 08/11/2009
    العمر : 24
    الموقع : alone in my world

    @ رد: ازاى تقول للبيت النتيجه خصوصا لو شايل ماده او مدتين

    مُساهمة من طرف Prince of Persia في الجمعة 13 أغسطس 2010, 21:28

    danta tele3t wesh egram


    _________________

      الوقت/التاريخ الآن هو الإثنين 23 يناير 2017, 19:47